Gipahayag ni Forester Joseph Langanlangan na tubagon sa DENR an galastuhan sa pagpahospital sa bata nga taga Brgy. Catabaan, Dapa, Surigao del Norte na tagbanga nan unggoy niadtong Sabado.
Nasayran nga kini na unggoy gikan sa Socorro tagturn over sa tag-idja ngadto sa DENR niadtong 2018 tungod kay namugno na nan bata.
2019 tagbutang sa cage an unggoy, tag obserbahan kon pwede ba kini buhian sa lasang apan dili na halos mokaon ug saging, prutas ug uban pang sagbot pero laog kini kon pagkaon sa tawo.
Niadtong Abril 2020 i-turnover na unta sa Regional Wildlife Resource Center sa Kitcharao, Agusan del Norte. Tungod sa pandemic sanan waya pay clearance hinungdan nadelatar an transfer.
Nakabuhi sa tangkal ang unggoy niadtong Biyernes Agosto 14 ug nagabhian ang taga Protected Area Superintendent’s Office staff sa paghanap sa hayop. Nagpahimangyo sila sa taga Brgy. 12 na dili magkumpiyansa kay kini mamaak ug i-report dayon kanila.
Nahibaw-an na lamang nila pagka Dominggo sa buntag nga nakapaak kini sa bata ug ila dajon tagkadto sa Siargao District Hospital.
An unggoy napatay human kini gitiro sa suk-anong residente gamit an airgun dihang kini nakit-an na waya na monaug sa tagkatkatan na kahoy. Samtang an bata an jaon kuman sa isa ka pribadong hospital sa Surigao City.
Nanawagan si Forester Langanlangan sa mga netizens na ihunong na ang pag-bash sa ilang opisina kay dili nila tinuyoan an nahitabo. (Radyo Ronda exclusive report | RPN DXKS Surigao)
Please click the link below for the exclusive report of the incident:
https://www.facebook.com/1427050990643243/posts/3719935041354815/
