Proposal sa City Tourism na 25 pesos an entrance fee apan si City Councilor Cacel Azarcon nagsulti na dili angay pabayran an pagsuyod sa lugar na tagtukod sa kagamhanan sa syudad na tagdeklarar na historical site.
Samtang an mga mitambong sa hearing uyon na may entrance fee, discounted an mga senior citizens, PWDs, mga estudyante sanan libre an mga police, sundalo, coast guard, navy, mga beterano sanan mga opisyales sa memorial council, mga imbitadong bisita sa kagamhanan.
Tagsugyot isab nan Station Manager nan DXKS sanan nan GSD Chief na libre sa tanan Surigaonon.
May sugyot isab na patas-an ngadto sa 50 pesos an entrance fee, libre an 5 years old and below, libre an mga elected officials na nag-ingkod kuman sanan mga naghuyâ sa Punta Bilar lamang.
An mga hunahuna sanan pamahayag sa mga mitambong tagpaminawan sa committee na tagpanguyohan ni Kagawad Sebastian Ric Bastie Nagas.
Human sa hearing gitakda ini i-report sa plenary sa Sangguniang Panlungsod ug didto na debatihan kon pabayran ba o dili an pagsuyod sa BOSS Memorial and Museum. (RPN DXKS Surigao)
 Please click the link below for exclusive video of the Committee on Tourism public hearing: