Subling nanawagan ug nagpahibalo si Konsehal Suzette Magtajas-Daba, chairman sa komite sa edukasyon, nga taman lamang sa Lunes, Marso 6, 2023 ang pagdawat sa online applications alang sa mga tinun-ang kwalipikadong mahimong Iskolar sa Dakbayan (IsDa).
Talagsaon kini nga programa ug dalaygon nga kahigayonan nga gihatag sa kagamhanan sa dakbayan ngadto sa kabatan-onan sa tinguha nga daghang kabataan ang makaangkon sa gidamgong kurso sa kolehiyo, pamahayag sa konsehal.
Niini, si Daba miaghat sa tanang mga tinun-an nga mogradwar karong tuiga sa sekondarya o’ incoming first year nga mag-aplay na.
Kuhaa kini nga kahigayon kay gihatag kini alang sa tanang mga tinun-an nga walay kapasidad ang mga ginikanan nga makapahuman sa pagtungha sa kolehiyo apan adunay kalantip sa salabutan.
Alang sa gustong mo-apply, mag-fill up lang online agi sa bit.ly/ISDAApplication2023 ug sa dugang impormasyon mamahimong motawag sa 09298190819 o’ mobisita sa CDO City Scholarships Office Facebook page.
(News & photo courtesy of CdeO City Council)
