TAGUM CITY – Angol ang usa ka ginang human madat-ogan sa gisakyang tricycle nga kalit misirko tungod sa giingong nawad-an og brake didto sa Purok San Antonio, Barangay Cuambogan, ning siyudad sa Tagum alas-9 sa buntag karong Domingo, Marso 15, 2026.
Base sa inisyal nga report, nalagpot ang biktima gikan sa tricycle ug natabunan pa sa pedicab, hinungdan nga nakaangkon kini og mga samad sa lawas.
Dali usab nga miresponde ang mga rescuer sa City Disaster Risk Reduction and Management Office (CDRRMO) sa Tagum City ug gidala dayon ang biktima ngadto sa ospital aron matambalan.
Padayon karon ang imbestigasyon sa mga awtoridad aron matino ang eksaktong hinungdan sa maong insidente.