Tungod sa padayon nga pagsamot sa tensyon ug giyera sa Middle East, gipadako pa sa gobyerno ang repatriation sa mga Pilipino, diin 442 ka indibidwal gikan sa United Arab Emirates ang luwas nang nakaabot sa Pilipinas.
Base sa report sa Department of Migrant Workers, miabot ang giarkilang charter flight sa Ninoy Aquino International Airport Terminal 3 niadtong Sabado sa hapon, diin kapin sa 200 sa mga pasahero mga Overseas Filipino Workers o OFWs.
Sa iyang gipagawas nga pahayag, gikumpirma ni Hans Leo Cacdac, kalihim sa DMW, ang malampusong repatriation operation.
Nagsugod ang sunod-sunod nga pagpalikas human motubag ang Iran pinaagi sa missile ug drone attacks batok sa mga nasud sa Gulf region nga adunay base militar ang Amerika.