Magpatuman og bag-ong work setup ang House of Representatives of the Philippines diin adunay tulo (3) ka adlaw nga on-site ug usa (1) ka adlaw nga work-from-home (WFH) kada semana panahon sa session, base sa gipagawas nga memorandum.
Samtang sa panahon sa recess, duha (2) ka adlaw nga on-site ug duha (2) ka adlaw nga WFH ang ipatuman sa mga empleyado.
Sumala sa Kamara, ang maong lakang kabahin sa mga paningkamot sa institusyon sa pagpatuman sa cost-cutting measures ug aron “streamline operations, reduce non-essential expenditures, and optimize the use of public resources.”
Gilauman nga makatabang ang bag-ong work arrangement sa mas episyente nga pagdumala sa trabaho samtang ginaminusan usab ang mga gastusin sa operasyon sa ahensya.