DAVAO CITY – Patay ang usa ka 23-anyos nga buntis ug ang ilang binuhing iro human natumbahan og lubi sa Sitio Talaod, Barangay Ticulon, Malita, Davao Occidental, pasado alas 3 sa hapon niadtong Hulyo 17, 2025.
Sumala sa imbestigasyon, nanlaba ang biktima nga giilang si alyas Lyn, nga siyam (9) ka bulan buntis, sa ilang balay dihang nahitabo ang insidente.
Base sa report, nakadagan pa si Lyn pagkahugno sa lubi, apan mibalik aron luwason ang iyang 3-anyos nga anak nga naa sulod sa balay.
Sa kasubo, natumbahan siya sa nahagsang lubi pagbalik niya, hinungdan sa iyang kamatayon. Namatay usab ang ilang binuhing iro nga naapil sa insidente.
Gikumpirma sa otoridad nga nakaangkon og bali sa paa ug grabeng samad sa ulo ang biktima.(Camille Santos Naraga)