DAVAO CITY – Gikumpirma sa Davao City Health Office (CHO), nga Usa ang namatay tungod sa komplikasyon sa Monkeypox (Mpox) dinhi sa Dakbayan sa Davao.
Sumala sa Davao City Health Office (CHO), nakadawat sila og impormasyon gikan sa Department of Health – Regional Epidemiology and Surveillance Unit (DOH-RESU) kabahin sa duha ka kumpirmadong kaso sa Monkeypox niadtong Miyerkules, Abril 16, 2025.
Ang duha ka pasyente gi-admit sa isolation facility sa Southern Philippines Medical Center (SPMC). Apan, usa sa mga pasyente ang namatay tungod sa komplikasyon nga may kalabotan sa maong sakit.
Gipahigayon karon sa CHO ang monitoring sa tanang close contacts sa namatay aron masiguro nga mahatagan sila og medikal nga atensyon ug masunod ang health protocols.
Samtang, Gi-awhag sa City Health Office ang publiko nga magpabiling kalmado, likayan ang close contact sa mga taong adunay sintomas, ug kanunay nga magmatngon aron malikayan ang pagkayatak sa sakit.(Camille Santos Naraga)(Source: Contributed)