DAVAO CITY – Naluwas sa mga personahe sa Philippine Coast Guard Station IGACOS ang usa ka 23-anyos nga babaye nga misulay ug langoy patabok sa Isla sa Samal gikan sa usa ka baybayon sa Barangay Pampanga, Davao City, pasado alas-3 sa hapon niadtong Sabado de Gloria, Abril 19.
Subay sa opisyal nga report, nadawat sa Coast Guard ang tawag kabahin sa insidente alas-5 sa hapon.
Ang babaye, nga residente sa Barangay Panyalom, Paquibato District, misagubang sa kusog nga sulog ug balod samtang nagtuwang sa Pakiputan Channel.
Gidali siyang giluwas sa mga sakop sa PCG ug gidalit dayon sa Coast Guard Sub-Station Caliclic. Human niini, gihatagan siya og pagkaon ug temporaryong gipaubos sa ilang kustodiya sa wala pa gi-turnover sa City Social Services and Development Office (CSSDO) sa Island Garden City of Samal (IGACOS).
Wala gibutyag ang ngalan sa babaye alang sa iyang seguridad ug privacy.(Camille Santos Naraga)(Source: Contributed