DAVAO CITY – Daling Girespondihan sa mga pulis sa DCPO Explosive Ordnance Disposal Team ug Ecoland Police Station 15 ang nadawat nga report nga adunay gi-turnover nga kadudahang butang sa police outpost sa Matina Aplaya, Davao City kaganihang alas 9:30 sa buntag, Abril 10, 2025.
Dayon gi-cordone sa mga pulis ang kalsada alang sa seguridad ug nasuta nga usa ka unexploded Ordnance kon vintage bomb ang giturnover ngadto sa police outpost.
Subay sa report sa kapulisan, usa ka Noel Arante Espinosa, 49 anyos, Barangay Tanod sa Matina Aplaya, Davao City nga naga buy and sell og scrap metal dihang adunay nagbaligya kaniya nga usa ka lalaki og mga scrap metal bandang alas 9:00 sa buntag nga mitimbang og 16 kilos ug iyang gibayaran og 160 pesos.
Dihang gipanghan-ay niini ang mga napalit, nakit-an ang kadudahang butang mao nga giturnover dayon niya kini sa pulis ug naaksiyonan dayon.(Camille Santos Naraga)(Source: PIO)