DAVAO ORIENTAL – Gikumpirma sa Police Regional Office Eleven nga adunay 3 ka mga miyembro sa Davao Oriental Police Provincial Office ang nagpositibo sa illegal nga droga human migawas ang resulta sa surprise random drug test.
Ang mga nagpositibo naghupot og ranggo nga Patrolman, Police Staff Sergeant ug Corporal nga nadestino sa Police Provincial Intel-Unit ug ang duha nadestino sa Provincial Mobile Force Company.
4 na ka mga pulis ang nagpositibo sa illegal nga droga sa PRO-XI kay ang usa ka pulis nga positibo sa drug test naassign sa Davao De Oro.
Sumala ni PMaj Catherine Dela Rey ang spokesperson sa PRO-XI, mag-atubang og kasong administratibo nga grave misconduct ang 4 ka mga pulis nga nag-gamit og illegal nga droga.(Camille Santos Naraga)(Source: PRO XI)