Davao City– Patay ang usa ka tigpayuhot og iligal nga droga human gikasa ang joint buy bust operation sa Station Drug Enforcement Team (SDET) sa Sasa PNP, City Intelligence Unit, Davao City Maritime Police ug 1105th MC, RMFB XI ug PDEA RO XI, sa Doña P. Ramos Street, Barangay Angliongto, Davao City,
Giila ang suspek nga si alyas“Taba”, 36 anyos ug residente sa Sasa ning syudad.
Sumala sa report, nga gikonsidera ang dinakpan nga Top 4 High Value Individual (HVI) City level sa mga pulis.
Dugang niini, kalit namusil ang suspek dihang nakamatikod kini nga pulis diay nga nagpakaron ingnon nga poseur-buyer ang iyang katransaksyon.
Nadala pa sa Southern Philippine Medical Center (SPMC) ang suspek apan gideklarang dead on arrival.
Narekober gikan sa posisyon ni alyas “Taba” ang droga nga mobalor sa P128,000.00, buy bust money, mga paraphernalia, usa ka .45 kalibre nga pistola ug mga bala. (Camille Santos Naraga)
(Source: Police Station 4, Sasa)
