Davao Del Norte – Sikop sa mga sakop sa Carmen PNP ang usa ka lalake human gikasa ang anti-illegal drug operation sa mga kapulisan sa Brgy. Sto. Niño, lungsod sa Carmen.
Giila sa mga otoridad ang dinakpan nga si alyas niini nga “Von” residente sa Brgy. Tibal-og, Sto. Tomas, Davao del Norte diin under surveillance ang suspek isip streel level target.
Atol sa maong operasyon, nakuha gikan sa posesyon niini ang duha ka sachet sa shabu nga nitimbang og 0.400 grams nga dunay balor nga P2,720 base sa Dangerous drugs board.
Nakuha usab sa posesyon niini ang marked money nga nagkantidad og 2,011 pesos.
Sa kasamtangan nakakustodiya na sa Carmen MPS ang dinakpan lakip na ang mga ebidensiya samtang atubangon niini ang kasong paglapas sa RA 9165 kon Comprehensive Dangerous Drugs Act of 2002. (Camille Santos Naraga)
(Source: Mati CIO)