Davao City – Dead on the spot ang usa ka rider samtang angol ang kauban niini human nga mibangga sa prime mover truck sa Purok 23, Acacia Davao-Bukidnon Highway, Barangay Calinan, Davao City.
Giila ang namatay nga driver sa motor nga si alyas Marlon ug residente sa Libona Bukidnon samtang ang angkas niini giilang si Angela nga taga-Digos City.
Sumala sa report, naglayog ang motor gikan sa Barangay Riverside ug kasugat niini sa pikas lane ang truck.
Dugang niini, nga misulod sa lane sa truck ang motor ug nawal-an ug balanse nga mahimong rason sa kamatayon sa driver.
Sa karon, nagpadayon pa ang imbistigasyon sa kapulisan. (Camille Santos Naraga)
(Source: DCPO)