Davao City – Gilayong gireport sa sa usa alyas “Mona ang insidente nga nahitabo sailahang balay sa sa GSIS Subdivision nga usa ka wala mailhing lalaki ang misulod sa ilahang balay.
Miresponde ang mga otoridad sa lugar ug nasakpan nga nagtago sa atop sa balay ang lalaki ug nadakpan apan gi-turnover ngadto sa WCPD kay menor de edad ang offender.
Nasubay sa imbestigasyon sa kapulisan nga 16 anyos pa diay ang batan-on nga gikonsiderang Children in Conflict with the Law nga taga Don Marcelino, Davao Occidental ug nagpuyo lang sa iyang amo sa GSIS Subdivision nga niadtong higayona nag-inum kini kuyog ang usa ka alyas Chevy sa compound sa balay sa iyang amo ug dihang nahurot na ang ilimnon nananghid kini sa kainum nga mopalit og soft drink ug dinhi niya nasiplatan ang stroller.
Gisulti sa batan-on ngadto sa mga pulis nga naibog siya sa stroller hinungdan nga iyaha kining gikawat aron ihatag sa iyang anak hilabi na nga dili siya makapalit niini kay wala siya’g igong kantidad nga kuwarta. (Camille Santos Naraga)
(Source: Contributed)