Davao City – Arestado ang usa ka lalaki samtang nakasibat ang usa pa human ang gikasang drug buy bust operation sa mga sakop sa PDEA-Sulu Province, sa Barangay Tanduh Bato, Luuk, Sulu, kagahapon Pebrero 23, 2025.
Giila ni PDEA-BARMM Director Gil Cesario Castro ang naaresto nga suspetsado nga si alyas “Dens/Maj”, 32 anyos nga taga Barangay Mananti, Luuk, Sulu samtang ang nakasibat nga suspek giila nga si alyas “Dhas” nga nakasay sa motorsiklo.
Narekober sa posisyon sa dinakpan ang iligal nga droga nga nagkantidad sa kapin 6.8 million pesos.
Sa karon, himas rehas ang suspek ug magatubang sa kasong paglapas sa RA 9165 kun Comprehensive Dangerous Drug Act of 2002. (Camille Santos Naraga)
(Source: Contributed)