Davao Occidental – Gilubong na ang patay’ng lawas sa usa ka lalaking nakaplagang naglutaw sa dagat sa Colagsing, Brgy. Tanglad, Sta. Maria karong adlawa, April 9.
Base sa report sa Sta Maria Police Station, tungod kay anaa na sa state of decomposition ang lawas sa biktima, temporaryo kining gilubong sa Sitio Sulok Brgy. Tanglad Sta Maria.
Dugang niini, nga nakahiagum usab ug samad hiniwaan ang tiyan nga may nakadaling net nga gisudlan og mga bato, gibaatan og duck-tape ang katunga sa nawong niini apil asta ang baba, mga kamot ug tiil.
Sa karon, Wa pa mailhi ang biktima apan may mga timailhan kini sama sa tattoo nga X ubos sa iyang walang mata, nakasuot og itom nga boxer shorts, gray nga tshirt ug gibana-banaang anaa sa 5 feet ang gitas-on.
Samtang, hugot usab ang imbestigasyon nga gipahigayon sa Sta Maria Police Station. (Camille Santos Naraga)
(Source: PRO XI)