Davao City – Patay ang usa ka lalaki human nga gidunggab tungod sa selos sa Rizal extension, Brgy 38-d, Davao City.
Giila ni Police Major Marvin Hugos, station commander sa San Pedro police station 2 ang biktima nga si alyas gordon 34-anyos og residente sa maong lugar samtang ang suspek giilang si alyas ravin 30-anyos.
Sumala ni Police Major Hugos, nga miangkon ang asawa sa suspek nga may nahitabo kanila sa biktima, sa pag adto sa mag-asawa sa balay sa biktima arun storyahon kini, kalit nalang gidunggab sa suspek ang biktima ug naigo kini sa nagkadaiyang parte sa lawas hinungdan sa iyang hinanaling kamatayon.
Sa karon, ang suspek ang anaa na sa kustodiya sa san pedro police human kining boluntaryong misurender ug nakatakdang pasakaan lg kasong murder. (Camille Santos Naraga)
(Source: DCPO)