Davao City – Naharang ang usa ka electrician atol sa checkpoint sa Barangay San Isidro, Bunawan District, Davao City.
Giila ang naharang nga si Glenn, 30 anyos, usa ka electrician ug residente sa Boulevard, Davao City.
Sumala sa report, naharang kini human nahibal-ang nagdala ug improvised nga .9mm revolver ug wala kini napakitang saktong mga dokumento.
Dugang niini, nakuha usab sa posisyon sa suspetsado ang upat ka mga bala ingon man ang usa ka bala nga napabuto.
Gikumpiska gilayon sa kapulisan ang nakuhang armas ingon man ang gisakyang motor niini.
Sa karon, anaa sa kustudiya sa kapulisan ang giingong naharang nga indibidwal. (Camille Santos Naraga)
(Source: Contributed)