Davao City – Patay ang usa ka lalaki kinsa target sa drug buy-bust operation nga gikasa sa Toril PNP sa Purok 13, GTH, Brgy. Lubogan, Toril, Davao City.
Napatay ang suspek nga si John Rey Dedoro, alyas Part, 26, single ug way trabaho, ug lumulupyo sa Rasay Street, Brgy. Toril Poblacion, Toril, Davao City.
Base sa imbestigasyon, positibo nga napalitan si alyas Part og ilegal nga druga sa kapulisan, apan dihang nakabantay nga pulis iyang katransaksiyon mipabuto kini sa dalang .38 kalibre nga armas.
Apan dali sab nga mibawos ang kapulisan rason sa kamatayon sa suspek.
Nakuhaan sa posisyon sa suspek ang anaa sa 18.87 grams nga shabu nga may DDB Value nga Php 128,326 pesos ug Street value nga Php 301,920 .00 ingon man ang .38 kalibre nga armas ug mga bala. (Camille Santos Naraga)
(Source: PRO XI)