Davao Del Norte – Himas rehas ang tulo (3) ka mga drug suspect sa Tagum City atol sa gikasang Anti-illegal Drugs Operation sa sakop sa Tagum City Police Station sa Barangay Mankilam, Tagum City sa nilabay nga gabii.
Giila ang mga suspek nga sila alyas Carl, 43 anyos, minyo, lumulupyo sa Purok Gulayan, Barangay Mankilam, Domenciano, 39 anyos, resedente sa Barangay Suawon, New Corella, alyas Aiko, 27 anyos, delivery og tubig ug lumulupyo sa Garcia Ville, Mankilam, Tagum City.
Napalitan sa poseur-buyer ang suspek og usa (1) ka pakete sa shabu gamit ang 500 peso bill nga marked money ug usa (1) nga peke nga 1000 peso bill samtang nakumpiska usab ang laing usa (1) pakete sa shabu sa dihang gikapkapan ang nasikop nga si alyas Carl lakip ang duha (2) ka lighter, duha (2) ka gilikit nga alluminum foil ug usa (1) ka cellphone.
Sa karon, nakakustudiya na ang tanang ebidensya ug magatubang sa kasong paglapas sa RA 9165 kon Comprehensive Dangerous Drugs Act of 2002 ang giingong mga suspek. (Camille Santos Naraga)
(Source: Davao del Norte PNP)