Davao City – Arestado ang usa ka drug surrenderee human gikasa sa mga sakop PDEA Regional Office XI kauban ang National Bureau of Investigation SEMRO XI ang drug buy bust operation sa Purok 36, Lagazo Village, Barangay Calinan, Davao City.
Giila ang suspek nga si Clint Lazo, 49-anyos ug residente sa giingong lugar.
Nakuha sa posisyon sa suspek ang usa ka pakete sa gituohang shabu nga adunay gibug-aton nga 1 gram ug nagkantidad sa kapin P10,000 pesos ingon man ang laing 10 ka mga pakete nga adunay gibug-aton usab nga 11grams ug mukantidad og P74,800 pesos.
Sa karon, himas rehas ang suspek ug mag-atubang sa kasong paglapas sa Republic Act 9165 o ang Comprehensive Dangerous Drugs Act of 2002. (Camille Santos Naraga)
(Source: DCPO)