Davao City – Arestado ang usa ka Overseas Filipino Worker kun OFW human gimasa sa mga sakop sa Regional Special Enforcement Team (RSET) sa Philippine Drug Enforcement Agency (PDEA) XI kauban ang National Bureau of Investigation (NBI SEMRO XI) ang drug buybust operation sa Talomo Duplex Compound, Barangay Talomo Proper.
Giila ang dinakpan nga si alyas “DIVINE”, 41 anyos ug residente sa giingong lugar.
Nakuha sa posisyon sa suspek ang usa ka pakete sa gituohang shabu nga nagkantidad ug kapin P6,000 pesos.
Sa karon, himas rehas ang dinakpan ug mag-atubang sa kasong paglapas sa RA 9165 kun Comprehensive Dangerous Drug Act of 2002. (Camille Santos Naraga)
(Source: PDEA XI)