DAVAO CITY – Nagbanggaay ang Upat ka Sakyanan sa McArthur Highway, Binugao, Toril
Nahitabong disgrasya sa McArthur Highway, Barangay Binugao, Toril, alas 10:28 sa buntag niadtong Huwebes, Mayo 1, diin upat ka sakyanan ang na-involve sa aksidente.
Base sa imbestigasyon sa kapulisan, ang usa ka pickup truck mibangga sa cargo truck, ug tungod niini misulod kini sa pikas nga linya diin nabanggaan ang usa ka motorsiklo ug usa ka awto.
Ang drayber sa motorsiklo nga si Rico Monsuller ug ang iyang 17-anyos nga angkas nga si Karl, nangaangol. Apil sab sa aksidente ang magtiayong Reynante ug Aphrodite Bejona nga sakay sa maong awto. Gidala silang tanan sa Southern Philippines Medical Center (SPMC) pinaagi sa 911 ambulance.
Tungod sa maong insidente, naguba ang tanang upat ka sakyanan ug nalisdan ang dagan sa trapiko sa lugar. Nagpadayon pa ang imbestigasyon sa mga otoridad aron masuta ang hinungdan sa maong panghitabo.(Camille Santos Naraga)(Source: Contributed)