DAVAO CITY – Hagba ug nagkadugo ang nawong sa usa ka tricycle driver human gisumbag sa iyang pasahero, alas 5:45 sa hapon niadtong Huwebes, Hunyo 5, 2025, sa Datu Abing Street, Barangay Calinan Poblacion.
Sumala sa imbestigasyon sa Calinan Police Station, nagbiyahe ang biktima nga si alyas Hasim, 44-anyos, uban ang pasahero nga si alyas Ryan, 42-anyos, ug anak sa suspek. Sa tunga sa biyahe, nasangpit ang hisgutanan kabahin sa relihiyon, nga mitugas og mainit nga lalis.
Kalit nga gisumbag ni Ryan si Hasim, nga miresulta sa samad sa kilay ug bun-og sa nawong sa biktima.
Ang suspek anaa na karon sa kustodiya sa Calinan Police Station ug mag-atubang og kasong physical injury.(Camille Santos Naraga)(Source: Contributed)