NASIKOP SA MGA KAPULISAN ANG GILANGKOB NGA TOP 1 PROVINCIAL MOST WANTED PERSON SA LALAWIGAN SA DAVAO DEL NORTE ATOL SA GIPAHIGAYONG OPERASYON SA KAPALONG.
GIILA ANG SUSPETSADO PINAAGI LAMANG SA ALYAS “BOYET,” NGA GIDAKOP PINASIKAD SA WARRANT OF ARREST TUNGOD SA KASONG MURDER. ANG PAGDAKOP GIPATUMAN ISIP KABAHIN SA SIMULTANEOUS ANTI-CRIMINALITY LAW ENFORCEMENT OPERATIONS (SACLEO).
GIPAHIGAYON ANG OPERASYON SA HINIUSANG PANGHIMAKAK SA KAPALONG MUNICIPAL POLICE STATION (MPS) UG SA DAVAO DEL NORTE POLICE INTELLIGENCE AND DETECTION MANAGEMENT UNIT (DNPIDMU), UBOS SA PAGPANGULO NI PMAJ BRYLE F. PATALINGHUG, CHIEF OF POLICE SA KAPALONG MPS.
GIPAHIBALO ANG SUSPETSADO SA IYANG MGA KATUNGOD O MIRANDA RIGHTS SA IYANG SINULTIAN SA WALA PA KINI GIDALA SA KAPALONG MPS ALANG SA BOOKING, DOKUMENTASYON, UG MEDICAL EXAMINATION. GIPATUMAN USAB SA MGA OPERATIBA ANG MGA GILATAG NGA PROTOKOL SA PAG-IMPLEMENTAR SA WARRANT PINAAGI SA PAGGAMIT OG ALTERNATIVE RECORDING DEVICE.(Camille Santos Naraga)(Source: Contributed)