NAMATAY ANG USA KA 33-ANYOS NGA LALAKI HUMAN GIPUSIL SA WALA MAILHING SUSPETSADO SA PUROK 6, LOWER APOKON, TAGUM CITY, PASADO ALA-1:00 SA KAADLAWON NIADTONG HULYO 28.
GIILA ANG BIKTIMA NGA SI ANGELO ROMANILLOS PALMA GIL, USA KA MEKANIKO UG RESIDENTE SA MAONG LUGAR. GIDEKLARANG PATAY KINI SA DAPIT SA HITABO TUNGOD SA MGA SAMAD SA PINUSILAN.
SUMALA SA TAGUM CITY POLICE STATION, NADAWAT ANG ILANG REPORT PASADO ALA-1:30 SA KAADLAWON GIKAN SA 911 CENTRAL DAVAO CITY HUMAN ADUNAY NAGPAHIBALO NGA NAKADUNGOG OG TULO KA LUPAD SA ARMAS ATOL SA KUSOG NGA PAG-ULAN.