DAVAO DEL NORTE — Temporaryong sirad-an ang pipila ka parte sa Daang Maharlika Highway sa Oktubre 6 ug 8 isip kabahin sa pagselebrar sa 13th Binulig Festival, base sa Executive Order No. 62, s. 2025.
Ang Opening Civic Parade ipahigayon sa Oktubre 6, gikan alas 5:30 hangtod alas 8:00 sa buntag, nga magsugod sa Sea Oil, San Isidro Street paingon sa Panabo City Gym.
Mosunod ang “Pasundayag sa Binulig: Sayaw sa Kadalanan” sa Oktubre 8, gikan alas 5:30 hangtod alas 8:00 sa buntag, nga magsugod sa Panabo Central Elementary School SPED Center padulong usab sa Panabo City Gym.
Samtang ang northbound lane paingon sa Carmen gamiton isip alternate two-way route atol sa pagpatuman sa temporaryong pagsirado sa kalsada. (Camille Santos Naraga)(source: Contributed)