DAVAO CITY – Wala nadakpan ang target sa search warrant nga gipatuman sa mga kapulisan sa Purok 4-B, Barangay Gumalang, Baguio District, alas 2:58 sa hapon niadtong Lunes, Mayo 20, 2025.
Gingong target sa operasyon ang usa ka lalaki nga gitawag og alyas Omar, nga gikasohan ilawom sa Republic Act 10591 o ang Illegal Possession of Firearms and Ammunitions.
Pinangulohan ni Police Major Lisandro Bernardo, Station Commander sa Baguio Police Station 11, ilang gi-adto ang balay ni alyas Omar, apan wala kini sa maong lugar sa oras sa operasyon.
Bisan pa man, narekober sa mga otoridad ang usa ka itom nga .38 caliber revolver nga adunay unom ka bala, ug laing unom ka bala sa .45 caliber. (Camille Santos Naraga)(Source: Contributed)