DAVAO CITY – Miresponde ang Filipino Chinese Fire Fighters of Davao sa usa ka sunog sa balay nga nataho sa Purok 10-B, Lower Madapo, Barangay Bankerohan, alas 5:03 sa hapon niadtong Biyernes, Enero 9, 2026.
Sumala sa ulat, dali nga miabot sa lugar ang mga bumbero aron mapugngan ang paglapad sa kalayo ug malikayan ang dugang kadaot sa mga silingan nga kabalayan.
Paglabay sa 30 minutos sa operasyon, gideklarar sa Bureau of Fire Protection Region XI nga under control na ang sunog alas 5:33 sa hapon.
Wala pay gipadayag nga impormasyon bahin sa hinungdan sa sunog ug sa kantidad sa kadaot, samtang padayon pa ang imbestigasyon sa mga otoridad.
Gipahinumduman usab sa kapulisan ug bumbero ang publiko nga magpabiling alerto, magmatngon, ug kanunay andam batok sa sunog. (Camille Santos Naraga)(Source: Contributed)