DAVAO CITY – Luwas na sa katalagman si Albuera Mayoralty Candidate Kerwin Espinosa ug padayon pang nag-paayo sa ospital.
Kini human siya naangol sa pagpamusil nga nahitabo kagahapon, Abril 10, sa Barangay Tinag-an, Albuera, Leyte samtang nagapangampanya uban ang tibuok niyang slate.
Apil sa mga naigo ug nasamdan mao ang igsoon ni Espinosa nga si Vice Mayoralty candidate Mariel Espinosa, ug usa ka menor de edad.
Sumala sa report, samtang nagtapok ang mga residente ug nagpaabot si Espinosa sa iyang turno sa pagsulti, gipusil siya sa suspetsado nga nagtago sa luyo sa entablado.
Nagpadayon karon ang imbestigasyon ug hot pursuit operation sa kapulisan may kalabotan sa maong insidente.(Camille Santos Naraga)(Source: Contributed)