DAVAO CITY – Usa ka 36-anyos nga babaye ang nadakpan atol sa buy-bust operation nga gihimo sa mga operatiba sa Davao Occidental Provincial Office sa PDEA Regional Office XI, kauban ang Davao Occidental Police Provincial Office ug ang Malita Municipal Police Station sa Sitio Kulo, Barangay Poblacion, Malita, Davao Occidental.
Ang suspetsado, nga nailhan sa alyas nga “Gretch,” kasado ug residente sa maong lugar, nadakpan sa alas-8:55 sa gabii human niini ibaligya ang usa (1) ka heat-sealed transparent plastic sachet nga adunay gituohang shabu nga nagkantidad og Php 7,000 ngadto sa usa ka ahente nga nagpaka-buyers.
Narecover sa mga otoridad ang usa (1) ka heat-sealed plastic sachet nga adunay gituohang shabu ug ang marked money nga gigamit sa transaksyon.
Kasong paglapas sa Republic Act No. 9165, o ang Comprehensive Dangerous Drugs Act of 2002, ang giandam batok sa suspetsado.(Camille Santos Naraga)(Source: Contributed)