DAVAO CITY – Usa ka rider ang namatay human sa usa ka aksidente sa trapiko nga naglambigit og duha ka motorsiklo ug usa ka pick-up truck sa kanto sa Amparo Street ug Daang Maharlika Highway, Barangay Ilang, Davao City, bandang alas 9:30 sa buntag, Martes, Enero 6, 2026.
Sumala sa report sa kapulisan, ang motorsiklo nga gimaneho ni Fahad Ibrahim Jimlani nagbiyahe sa inner lane sa highway kauban ang usa ka pick-up truck nga gipanag-iya sa BPI Rental Corporation ug gimaneho ni Roberto Sodusta Pulmones, 53 anyos. Sa dihang misulay si Jimlani og overtake sa laing sakyanan, nabangga niya ang laing motorsiklo nga nag-left turn padulong sa highway gikan sa Amparo Street.
Tungod sa kusog nga impact, nangatumba ang duha ka motorsiklo ug nalagpot si Jimlani nga rider padulong sa agianan sa pick-up truck.
Gidala dayon sa mga mirespondeng miyembro sa Barangay Disaster Risk Reduction and Management Council (BDRRMC) rescue team ang biktima sa Southern Philippines Medical Center (SPMC), apan gideklarang dead on arrival.(Camille Santos Naraga)(Source: Contributed