DAVAO CITY – Gipahigayon sa Police Regional Office XI (PRO-XI) pinaagi sa Regional Community Affairs and Development Division (RCADD) ang usa ka inspection sa pipila ka police station sa Davao City aron susihon ang sulod sa PNP Blue Box ug ang Search and Rescue (SAR) equipment.
Gipangulohan mismo ni PCol Antonio Alberio Jr., hepe sa RCADD, ang maong kalihokan nga nagtumong sa pag-assess sa kaandam sa mga kapulisan ug kung kompleto ba ang ilang mga kagamitan alang sa emerhensiya ug kalamidad.
Lakip sa mga police station nga giinspeksyon mao ang Maa Police Station 16, Talomo Police Station 3, Tugbok Police Station 9, Los Amigos Police Station 20, Cluster 4 RPSB Tagakpan, Cluster 11 ug 12 New Valencia, Tugbok District, ug R-PSB Cluster 15 sa Calinan Riverside.(Camille Santos Naraga)(Source: Contributed)