DAVAO CITY — Nakakumpiska ang mga operatiba sa Maa Police Station 16 og .45 caliber pistol, mga bala, ug lima ka sachet sa gituohang shabu nga mobalor og P340,000 atol sa pag-implementar sa search warrant batok sa 35-anyos nga si alyas “Jong-Jong,” top 6 city-level drug personality.
Base sa ulat sa kapulisan, gipahigayon ang operasyon sa Purok 13, Barangay Maa, Davao City, alas 10:30 sa buntag niadtong Sabado, Oktubre 11, 2025.
Ang search warrant gi-isyu ni Executive Judge Rowena Apao-Adlawan sa Regional Trial Court, 11th Judicial Region, Davao City.(Camille Santos Naraga)(Source: Contributed)