DAVAO CITY – Padayon nga ginadagsa sa mga konsumidor, negosyante, ug mga mahiligon sa pagkaon ang WOFEX (World Food Expo) Mindanao 2026 nga ginahigayon sa SMX Convention Center sa SM Lanang, Davao City.
Giila kini isip pinakadakong food expo sa Mindanao diin gipakita sa nagkadaiyang exhibitors ang ilang mga produkto pinaagi sa product demonstrations ug sampling, food business sourcing, baking ug cooking tools, mga ekipo, makina, sangkap, ug mga eksklusibong diskwento nga may kalabotan sa industriya sa pagkaon ug ilimnon.
Dako usab ang interes sa publiko sa maong kalihokan tungod kay naghatag kini og higayon sa mga partisipante nga makaila sa mga bag-ong produkto, teknolohiya, ug mga oportunidad sa food and beverage business.
Abli ang WOFEX Mindanao 2026 gikan alas-10:00 sa buntag hangtod alas-6:00 sa gabii ug molungtad hangtod sa Hunyo 20, 2026. Libre ang pagsulod alang sa tanang gustong motambong.(Camille Santos Naraga)(Source: Contributed)