Iti panangidaulo ni Mayor Virgilio M. Calajate, agtultuloy ti panangitandudo ti Munisipalidad ti Badoc iti kappia, urnos, ken kinatalged ti publiko ta naballigi a nakapasa amin a tallopulo ket maysa (31) a barangay iti 2026 Barangay Anti-Drug Abuse Council (BADAC) ken Barangay Peace and Order Council (BPOC) Functionality Audits a naisayangkat babaen ti Seal of Good Local Governance for Barangays (SGLGB) .
Maibasar iti maudi a resulta ti audit nga inruar ti Department of the Interior and Local Government (DILG), amin a 31 a barangay ti Badoc ket naibilang a Compliant iti Barangay Anti-Drug Abuse Council Functionality Audit ken nagun-od iti High Functional rating ti Barangay Peace and Order Council Functionality Audit.
Iparangarang daytoy a gapuanan ti dedikasion ken kolektibo a panagregget dagiti Punong Barangay, Barangay Officials, BADAC ken BPOC members, Barangay Tanods, Municipal Anti-Drug Abuse Council (MADAC), Municipal Peace and Order Council (MPOC), Philippine National Police, partner agencies, ken amin nga stakeholders nga agtultuloy nga agtitinnulong tapno natalna, ken naurnos, dagiti komunidad.
By: Niña Tabilos