Patay na sa dihang nakit-an ang usa ka wala pa mailhing indibidwal nga naglutaw sa usa ka kanal sa Purok Manga, Barangay Visayan Village, Tagum City, adlawng Lunes, Hulyo 27, 2026.
Sa inisyal nga imbestigasyon, nadiskubre sa mga residente ang lawas sa biktima ug gilayon kining gitaho sa mga awtoridad. Miresponde dayon ang mga kapulisan ug uban pang emergency responders aron kuhaon ang lawas ug ipahigayon ang gikinahanglang imbestigasyon.
Sa pagkakaron, wala pa mailhi ang biktima ug padayon pa ang imbestigasyon sa mga awtoridad aron matino ang hinungdan sa kamatayon ug mahibal-an ang tinuod nga pagkatawo sa namatay.(Camille Santos Naraga)(Source: Contributed)