DAVAO CITY – Gipahibalo sa Tagum City Traffic Management Unit (TMU) nga usa pa lamang ka dry run ang pagpa-andar sa traffic lights ubos sa Tagum Flyover, partikular sa kanto sa Quirante 1, Quirante 2, Gaisano Mall, NCCC Mall, ug Magugpo Crossing.
Sumala ni TMU Chief Jun Sevilles, magpadayon ang dry run hangtod nga ma-turnover kini ngadto sa LGU Tagum gikan sa DPWH.
“Dry run pa gihapon ni hangtod ilaha ma-turnover sa City,” matud ni Sevilles.
Gidisenyo ang paggamit sa traffic lights aron maanad daan ang mga drayber ug motorista sa dakbayan sa maong sistema. .(Camille Santos Naraga)(Source: Contributed)