Davao City – Nadakpan sa gipahigayon nga drug buy-bust operation sa Regional Special Enforcement Team sa PDEA-XI, uban ang CDEU-DCPO ug Talomo Police Station 3, ang tulo ka suspek lakip na ang usa ka barangay kagawad sa Santa Cruz, Davao del Sur. Ang operasyon gihimo pasado alas-5:15 sa hapon, Sabado, Agosto 23, 2025, sa GSIS Heights, Matina.
Target sa operasyon ang 50 anyos nga si alyas Michael, giingong drug den maintainer nga nasakmitan og usa ka sachet nga gituohang shabu. Sa operasyon, naabtan usab ang duha pa ka suspek: si alyas Ferdinand, giingong empleyado sa drug den, ug si alyas Leandro, usa ka barangay kagawad nga giilarang bisita sa drug den.
Gidugang pa sa PDEA-XI nga nakumpiska gikan sa mga suspek ang siyam (9) ka sachets nga adunay sulod sa gituohang shabu.(Camille Santos Naraga)(Source: Contribute)