DAVAO CITY – Nagsaulog karong semanaha ang Office of the Vice President (OVP) sa ika-90 ka tuig niini nga anibersaryo ubos sa tema: “Duty. Continuity. Legacy.”
Gawas sa nag-unang selebrasyon sa Makati, naglunsad usab ang mga OVP Satellite Offices sa tibuok nasud sa OVP 90th Anniversary Pop-Up Exhibit, nga nagpakita sa makasaysayanong panulondon, kontribusyon, ug mga istorya sa mga milabay nga Philippine Vice Presidents hangtod karon.
Gituuyo sa maong exhibit nga duoloron sa katawhan ang siyam ka dekada nga kasaysayan sa OVP, pinaagi sa pagpasabot sa padayon nga komitment niini alang sa matinud-anong serbisyo, maayong pamalaod, ug lig-on nga relasyon sa matag Filipino.(Camille Santos Naraga)(Source: Contributed)