DAVAO CITY – Nagpahimangno si Brgy. Captain Diosdado Pahid nga delikado karon ang kalsada sa Sitio Licupon, Brgy. Sanghay, tungod sa nagpadayong pagkadaot sa yuta (soil erosion) human sa kusog nga ulan. Sa pagkakaron, mga motorsiklo ug naglakaw lamang ang makalabay sa dalan.
Ang City Government of Mati, pinaagi sa City Engineering Office, nagpahimutang na og mga ekipo aron palapdan ang dalan. Sumala ni Engineer Paul Silva, dagkong mga bato ang ni-urog padulong sa dalan ug pipila ka kahoy sa palibot ang delikado na tungod sa paglihok sa yuta.
Gipasidaan ang mga motorista ug residente nga mag-amping ug mosunod sa mga bag-ong sugo o traffic advisories alang sa ilang kaluwasan. .(Camille Santos Naraga)(Source: Contributed)