Davao Oriental – Gipangdakop ang 5 ka mga suspetsado atol sa gihimong seaborne patrol sa mga pulis sa Caraga Municipal Police Station kauban ang representante sa Municipal Agriculture Office ug Municipal Fisheries and Aquatic Resources-Bantay Dagat kinsa nangisda sa marine protected area sa Barangay Santiago, Caraga, Davao Oriental.
Giila sa Caraga MPS ang mga gipangdakop nga sila Marlon Singson, 36 anyos, Romeo Tanduyan, 23 anyos, Ronie Tanduyan, 20 anyos, Aljun Orungan, 21 anyos nga mga residente sa Baculin, Baganga, Davao Oriental ug Dave Cervantes, 25 anyos, residente sa Mati City, Davao Oriental.
Sumala sa report, nga migamit ang mga dinakpan og compressor sa pagpanguha og isda nga gidili ubos sa Republic Act 10654 kon the Philippine Fisheries Code of 1998.
Dugang niini, nakumpiska usab sa mga otoridad ang pumpboat, compresson tank ug makina, hose nga 300 metros ang gitas-on, pana, flippers, flashlights, diving mask ug 30 kilos nga isda nga gibana-banaang mukantidad og 10,500 pesos ang kantidad. (Camille Santos Naraga)
(Source: Caraga MPS |PIO PRO-XI)