Davao City – Pormal nga giturn-over sa opisina ni First District Representative Paolo Duterte pinaagi nila ni Mr. James Vergara ug Mr. Benben Isidro ang 25 ka mga starter toolkits.
Ang giingong starter toolkits gihatag sa kapin 25 ka mga scholars ni Congressman Duterte ubos sa Technical Education and Skills Development Authority (TESDA) nga naka kompleto sa “training in breadmaking” sa usa ka tulunghaan sa Dakbayan sa Davao.
Sumala ni Kimberly Ballerda, office-in-charge sa DMMA College’s Culinary and Training Center, nga gawas sa starter toolkits nahatagan sab kada beneficiaries ug electric oven, measuring cups ug weighing scales arun nga makompleto ang ilang mga gamit ug makasugod sa negosyo.
Kahinumduman nga una ng gibutyag ni Congressman Duterte, nga gikan sa pagsugod sa pandemya ang iyang opisina gatabang sa mga tawo ug pagpangeta og mga pamaagi nga mahatagan og alibyo ang kalisud nga ilang nasinati. (Camille Santos Naraga)
(Source: First Congressional District)