Namatay ang usa ka 8-anyos nga Grade 3 pupil nga giingong biktima sa pisikal nga pagpanakit sulod sa usa ka eskwelahan sa Davao City.
Sumala sa pamilya, giingong gisumbag sa tulo ka lalaking classmate ang bata niadtong Biyernes. Human sa maong insidente, nakasinati kini og grabeng sakit sa ulo ug gidala sa Southern Philippines Medical Center (SPMC) alang sa tambal.
Sa CT scan nga gihimo sa biktima, nakit-an ang blood clot sa iyang ulo. Bisan pa sa paningkamot sa mga doktor, wala na kini naluwas ug namatay.
Nanawagan karon og hustisya ang pamilya sa bata ug nangayo og hingpit nga imbestigasyon aron mahibal-an ang tinuod nga mga kahimtang sa insidente.
Sa laing bahin, gipadayag sa Davao City Police Office (DCPO) ang ilang pakikiramay sa pamilya sa biktima ug gipahibalo nga nagpadayon ang imbestigasyon sa maong hitabo aron matino ang mga panghitabo ug ang posibleng responsibilidad sa mga nalambigit(Camille Santos Naraga)(Source: Contributed)