Hingpit nga nasunog ang usa ka nakaparadang motorsiklo human kini kalit nga gidakop sa kalayo sa Pioneer Avenue, Barangay Magugpo Poblacion, Tagum City.
Base sa inisyal nga report, paspas nga miresponde ang mga emergency responder ug ilang naagapan ang sunog aron dili na mokaylap sa ubang sakyanan o kabtangan sa lugar.
Bisan pa sa dali nga pagresponde, wala na maluwas ang motorsiklo ug kini hingpit nga naabo sa insidente.
Padayon pang giimbestigahan sa mga otoridad ang hinungdan sa sunog ug wala pa usab gikataho kon adunay naangol sa maong insidente.(Camille Santos Naraga)(Source: Contributed)