Davao City (Update) – Muabot ug 3 ka tao ang persons of interest (POI) ang ginasubay karun sa Davao City Police Office (DCPO) nga may kalabutan sa nahitabong car explosion sa Ecoland Drive niadtong Huebes, Hunyo 15.
Sumala ni Ecoland Police Station Commander Police Major Rosario Aguilar, nga gikan sa duha nga nakita sa CCTV, nahimo na kining tulo apan wa pa nila mailhi ang identity sa mga suspek.
Dugang niini, nga sa karon nagpadayon pa ang hugot nga imbistigasyon sa SITG magulta mahitungod sa insidente.
Una ng miingun si Atty. Magulta nga may mga nadawat siyang threat tungod sa usa ka kasong iyang gihuptan nga may kalabutan sa bangi sa yuta. (Camille Santos Naraga)
(Source: DCPO)