Davao City – Malampusong na-rescue sa Philippine Coast Guard Davao Station ang 19 ka pasahero sa motorbanca nga nalunod sa dagat sa DBCOM, Panacan, Ilang, Davao City, niadtong Marso 22, 2025.
Ang pumpboat, nga nagbiyahe padulong sa Samal Island, nadaut ang makina ug gilamoy sa dagkung balud, hangin, ug sulog nga hinungdan sa pagkalunod.
Mitabang sa operasyon ang BRP MALAMAWI, PSSO, Central 911, CDRRMO, BFP, ug Task Force Davao. Ang mga naluwas nga pasahero gidala sa DPWH Panacan Wharf alang sa medikal nga atensyon.
Padayon ang imbestigasyon sa Coast Guard aron matino ang ubang mga hinungdan sa insidente. (Camille Santos Naraga)
(Source: Contributed)