DAVAO CITY – Temporaryong dili maagian ang pipila ka mga dalan ug tulay sa lalawigan sa Davao Occidental human kini nadaot tungod sa sunod-sunod nga pag-ulan nga dala sa Intertropical Convergence Zone (ITCZ).
Naapektuhan sa maong sitwasyon ang duha ka munisipyo—Jose Abad Santos (JAS) ug Don Marcelino (DonMar).
Mga apektadong dalan ug tulay sa Jose Abad Santos: mao ang Kidaman Road, Brgy. Buguis, Kalongkungan Road, Brgy. Culaman, Mangile Bridge, Lawayon Bridge
Samtang Sa Don Marcelino, dili maagian ang mao ang Lower Kepiya Road, Brgy. Lawa
Ang mga nag-unang rason sa pagkaguba mao ang pagbaha ug pagkadunot sa yuta nga nagresulta sa landslide sa ubang lugar.
Ang lokal nga panggamhanan sa Davao Occidental, uban sa suporta sa DPWH ug MDRRMO, padayon ang pagpatuman og clearing operations aron mapaspasan ang pag-ayo ug paglimpyo sa mga apektadong lugar. Gibuhat usab ang mga assessment aron masiguro ang kaluwasan sa mga motorista ug residente.
Magpadayon ang pagbantay sa panahon ug paghatag og updates sa publiko pinaagi sa opisyal nga mga ahensya sa gobyerno ug lokal nga LGUs.(Camille Santos Naraga)(Source: Contributed)