DAVAO DEL NORTE – Nagsugod na og bisita ang mga residente sa lain-laing pampublikong sementeryo sa siyudad sama sa La Filipina, Pagsabangan, Busaon, ug Madaum aron sa paghinumdom ug pagpasidungog sa ilang mga minahal sa kinabuhi nga namatay, sa wala pa ang pagsaulog sa Undas.
Sumala sa mga awtoridad, gilauman nga mas mudaghan pa ang mga tawo nga mobisita sa Nobyembre 1 ug 2. Tungod niini, gihangyo nila ang publiko nga mosunod sa mga ipatuman nga safety ug traffic advisories aron masiguro ang hapsay ug malinawon nga pag-obserba sa Undas.
Padayon usab ang pagbantay sa mga kapulisan ug uban pang ahensya sa gobyerno aron masiguro ang kahapsay ug kaluwasan sa mga mamisita sa mga lubnganan sa tibuok siyudad.(Camille Santos Naraga)(Source: Contributed)